خير اللهم اجهلة خير

اخر اخبار الدفعة اننا كان عندنا امتحان دراما
المشكلة الحقيقية مش فى الامتحان المشكلة فى الى الحلم الى شوفتة قبل ما امتحن
والى ممكن اقول ان كان لة بجد مفعول السحر وانا بجاوب

ومن الاخر الحلم كما يلى.
خير اللهم اجعلة خير انا كنت الصبح بدرى بلبس خلاص علشان اروح الكلية علشان الامتحان وانا جاية اخرج طبعا مسكت كتاب الدراما فى ايدى علشان اخدة واذاكر هناك
وبصراحة كان نفسى اولع فى الكتاب لانى مش فاهمة اى حاجة فى اى خاجة المهم مسكت الكتاب من هنا ولقيتنى عمالة اشتم وابهدل فية من هنا انت كتاب عبيط ولونك اعبط منك(لونة احمر سخيف) داة انا لو كنت بقرا مجلة ميكى كان هيكون افيد لى المهم بعد داة كلة يعنى حسيت انى ارتحت وهديت وتوكلت على الله وروحت الكلية

_______________________________________________________________________

(المشهد التانى من الحلم)

قاعد فى مكانا ما وامامى ورقة اسئلة ولوحدى يعنى مش هعرف اغش(مش فاهمة اية الهبل الى فى الحلم داة الامتحان كان شفوى يلا اظاهر عقلى الباطن لسع هو كمان منهم لله الى كانوا السبب)


ورقة الاسئلة كالتالى
الاسم:
رقم الموبيل:
عنوان اميلك على الياهو:
الاكلة المفضلة:






















ملوحظة :لو معرفتيش سوال ابقى طلعى البرشام الى معاكى يا منال...............وغشى براحتك واى................كدة كدة هتسقطى..............علشان تحرمى تقول الكلام داة لكتاب المادة بتاعتى..................مااااااااااااشى يا منال
_______________________

قريت الورقة وأنا في اسبهلال تام..فركت عيني مرة وأتنين..والورقة زي ما هيا..قريت الملحوظة اللي في آخر الورقة تاني.. وتالت وانا مش مصدقة ان الدكتورة كتبتلى الكلام داة

"وبعد كدة سمعت زى ما ايكون حد بينادى من بعيدددددددددددددددددددددددددددددددددد
مناااااااااااااااااااااااااااااااااااااااال .منااااااااااااااااااااااااااااااااال اصحى يلا علشان تلحقى تروحى الامتحان (دى كانت ماما)
استيقظت من نومي..ثم نظرت حولي..إيه ده أنا لسه في البيت مرحتش الكليةالحمد لله كنت بحلم..ووجدت الكتاب جنبي ع السرير..فأخذته في حضني وقولتله...يا لهوي يا كتاب..بحبك يا كتاب.. بموت فيك يا كتاب.. بعشقك يا كتاب .. مقدرش أعيش من غيرك يا كتاب ..هو أنا ليا بركة ألا انت يا كتاب.
بس هو داة الحلم وبعدين الى بيعرف فى تفسير الاحلام بيقى يكتبلى الحلم داة معناة اية

خير اللهم ما اجعله خير ... لا ماتقلقيش بسيطه ان شاء الله ... الامتحان اللي جالك في الحلم كان عادي جدا مافيهوش اي حاجه صعبه .. تلاقيكي انتي اللي ماكنتيش مزاكره ... اه بس فيه سؤال بسيط ... هو ابو الحاج وائل جمعه كان اسمه الكابتن ايه ؟؟

Admin كتب:خير اللهم ما اجعله خير ... لا ماتقلقيش بسيطه ان شاء الله ... الامتحان اللي جالك في الحلم كان عادي جدا مافيهوش اي حاجه صعبه .. تلاقيكي انتي اللي ماكنتيش مزاكره ... اه بس فيه سؤال بسيط ... هو ابو الحاج وائل جمعه كان اسمه الكابتن ايه ؟؟

وبالنسبة لاسم ابو الحاج وائل جمعة فدى امور عائلية بين وائل والحاج جمعة وشكررررررررررررررررررررا

عاشقة بلدي الحبيبة مصر كتب:هههههههههههههههههههههههههههههههههههههههههه
ايه يا منال خير الله ما اجعله خير عقلك الباطن لسع فعلا خالص
ابقي اتغطي قبل ما تنامي كويس

الحكاية يا رغدة يا اختى مش فى انى اتغطى كويس لا الحكاية اكبر من كدة الحكاية زى ما قولتلك قبل كدة ان العسل دخل على الطحينة, وبقى جواز عتريس من فوادة باطل ,واى دمعة حزن لالالالالالالالالالالالالالالالا, وان لله وان الية راجعون

فراشه الاسلام كتب:بس تصورى نسيت اقولك
افتكرتى كل ده ازاى
ده انا عقبال لما اصحى بكون نسيت الحلم
افتكرتى كل ده!!

ماشى يا فراشة ربنا يرزقك كدة بكابوس زى بتاعى وتفتكرية كلة زى كدة