خلاص فات الأوان

خلاص فات الأوان



عمرك استغربت نفسك


عمرك وقفت قدام المرايه وشفت واحد تانى غيرك


يمكن شبهك صحيح بس مش انت


كل حاجة كنت بتحبها بقيت بتكرهها


واللى كنت بتكرهه زمان بقى يعجبك دلوقتى


كل الناس اللى كنت بتهتم بيهم بقيت مش عايز تشوفهم


عرفت الكراهيه ... بعد ماكنت بتحب دايما


بقيت عصبى بعد ماكنت بتتباهى بهدوئك


بقيت دايما متضايق بعد ما كنت بتقول ان مافيش حاجة ممكن تضايقك


بقيت واحد تانى ماتعرفوش


بقيت واحد ماكنتش تتصور انك هاتعرفه


بقيت الشخص اللى كنت بتكرهه زمان


دلوقتى بقيت تخاف تبص فى المراية لاتلاقى شكلك كمان اتغير


والمشكلة انك مش عارف اتغيرت امتى او ليه


والمشكلة الأكبر انت مش عارف ترجع زى زمان


ياترى هاينفع ترجع زى ماكنت

والا خلاص فات الأوان

لا دى ملامحى ولا شكل شكلى ولا دا انا

وعايزنا نرجع زى زمان قول للزمان ارجع يازمان