عملوها الفرسان و راحو اليابان !

حقق الأهلى القاهرى بقيادة الداهيه مانويل خوسيه البطوله الإفريقيه السادسه فى تاريخه و تعادل فى لقاء العوده 2/2 مع القطن الكاميرونى فى نهائى دورى الأبطال الإفريقى أحرز هدفى الأهلى الصقر المصرى أحمد حسن و كابتن الفريق شادى محمد وكان الأهلى قد فاز فى لقاء الذهاب بالقاهره 2/0 ليفوز الأهلى بمجموع اللقائين 4/2 و يحصل على كأس البطوله ، وادار اللقاء بإمتياز الحكم الدولى الجزائرى جمال حيمودى وعوض ما فعله العرجون العام الماضى .
مليوووووووووووووووون مبرووووووووووووووووك للأهلويه و إن شاء الله يقدم الأهلى مستوى متميز فى بطولة العالم للأنديه والتى ستقام فى اليابان و سيلتقى الأهلى مع باتشوكا المكسيكى فى إولى لقائاته بالبطوله .
ولا عراء للأخرين !!!!!!!! طبعا فهمتوا !

مين الأخرين ؟؟
علي فكرة انا فرحانة جدا للأهلي وأنا بحب كل اللاعيبة والمدرب والنادي بحالوا
ولو لم أكن أهلويا لوددت ان اكون أهلوية
بس بقي الظروف
مبروووووووووووووووووووك لمصر كلها بس الفريق الكاميروني كان بيلعب حلو قوي وجايب جون صارررررررروخ
صح ولا أيه ؟؟
الحق يتقال بردو
وألف ألف مبروووووووووووووووووووووووك

الأهلى كبير وهيفضل كبير وهى دى أخلاق الزملكاويه بس مش عارف ليه فى زملكاويه متعصبين وبيكرهوا الأهلى حتى ولو بيلعب بإسم مصر علشان كده الزمالك مش هينصلح حاله بسبب تلك القله المتعصبه طبعا إنتى مش منهم يا دودا
وإيه حكاية الجون الصاروووووووووخ إللى القطن جابه هو مش عاجبك جون أحمد حسن ؟!