متى ينصلح حال الزمالك ؟

لا شك إنى أهلاوى و لكن يحزننى كثيرا ما وصل إليه الزمالك فى الفتره الحاليه فالفريق لم يحقق سوى 6 فوز هذا الموسم من 18 مباراه حتى بات قاب قوسين أو أدنى من الهبوط للدرجه الثانيه و أحزننى أكثر فرحه الزمالكاويه بالتعادل مع المصرى البرسعيدى 1/1 و إعتبروه تعادل بطعم الفوز! مع إن التعادل ده نزل بالفريق للمركز العاشر بعد أن كان تاسعا ، ولا أعلم لماذا مدرب أجنبى فى الفتره الحاليه فى رأيى الفريق يحتاج لواحد زى طه بصري أو حلمى طولان للم شمل الفريق وإنقاذه من شبح الهبوط فالفارق بين الزمالك و الترسانه الأخير 8 نقاط أيوه 8 نقاط يعنى كمان هزيمتين للزمالك و فوزين للشواكيش يصبح الزمالك الأخير بالدورى ، من رأيى أن يستغنى الزمالك عن عبد الحليم على و محمد أبو العلا و ويوقف جمال حمزه و شيكابالا لنهايه الموسم ويعتمد فقط على الاعبين ذو الروح القتاليه ، ولا أرى مبرر واحد لهبوط مستوى قلبى الدفاع محمود فتح الله و هانى سعيد لاعبى منتخب مصر فالفريق دخل مرماه 18 هدف فى 18 مباراه بمعدل هدف فى كل مباراه ،
فى النهايه كل التوفيق للزمالك لأن الكوره فى مصر متنفعشى من غير الزمالك والأهلى لأنهما قطبى الكوره فى مصر وهبوط مستوى الزمالك هو هبوط للمنتخب والأهلى معا !
مش عارف لاعيبة الزمالك عاوزين إيه؟ يمكن عاوزين نشوفهم فى " ستاد بلدنا " !!!!!!!

يا ناس ما بقاش فيه حاجة اسمها زمالك ع فكرة انا اهلاااااااااااااااوى صميم مفيش شك ،
المهم الزمالك ف الباى باى وعارفين انا عمرى ما زعلت ع حال الزمالك ولا عمرى هزعل لان الزمالك ما يستحقش العطف .. وكمان جمهورة لسانه طويل ع الفاضى يبقى مغلوب من الاهلى 13 ويقولو فزتو بالحكام هههههههه هبل .....، وانا من هنا اتمنى المزيد من الانتكاسة والحزن للزمالك وجماهيره
ومعلشى بقى البقاء للاقوى (الأهلى) لان الاهلى بتاع كل زمان وبتاع كل مكان
لان من غير الاهلى ما فيش كورة ف مصر واللى يثبت كدة ان الزمالك بقالة 5 سنين ف انتكاس وهزيمة ومصر بفضل ربنا ولاعبية الاهلى الرجالة خدت بطولة افريقيا 2006،2008ع التوالى رغم اللى معانا مدرب بيبى جاهل تدريب دا المفروض يدرب منتخب تلا اهو عبط زى بعض
فانا من هذا المزنأ بطالب جماهير الزمالك انهم مش يزعلو ويشجعو الاهلى حتى ولو مش من ورا قلبهم
وكمان يبطلو كلام كتير لان شكلهم بقى نيلة اوى ..!!!!!!!!

معنديش تعليق على كلامك يا حلمى ولكنى بحترم رأيك لأن المنتدى حق للجميع
بس إنت غلط فى تلا دا على أساس إنك مش منها وكدا هتزعل إللى بيشجعوا الزمالك منك .
دى مش أخلاق الفرسان يا كابتن .
M@G

انا بصراحة مش هقولك غير انك من الشخصيات الضعيفة الي بتشجع الفريق الكسبان وخلاص

زي اغلب الشعب المصري الي بقي كله اهلي مرة واحدة

ولو انت رياضي صحيح عمرك ما كنت هتقول كدا
لان مينفعش أسد يحارب اسد مريض او ضعيف

لازم يكون في نفس قوته والا المكسب هيبقي ملوش لازمة في النهاية لان النتيجة معروفة من قبل الماتش


الكلام دا لحلمي الي بيتكلم كتير قوي عمال علي بطال في اي شئ وممكن يلاقي نفسه مرة واحدة مبيتكلمش خالص

مرسي يا جندي علي تحفيذك للزماك انه يفوز وانك حزين علي مستواه

بس الزماك بدأ يتقدم مستواه مع نزول الناشئين

شكررررررررا

دوداااااااا