عمليه ناجحه

من طرف star 22 الأربعاء سبتمبر 24, 2008 4:09 pm

دكتور مصري و دكتور ياباني و دكتور أمريكي ف مؤتمر عن زراعة الأعضاء

الأمريكي قال "احنا كان عندنا ف أمريكا واحد ما بيشوفش جبنا قطة و دبحناها و خدنا عنيها و زرعناهم للراجل".

اللي واقفين قالوله: "ياااه؟ و بيشوف كويس؟"

قال لهم "يوووه ده بيشوف اللي ورا الشمس دلوقت!"

قام الياباني قال "احنا كان عندنا واحد كبده تعبان فجبنا قطة و دبحناها و خدنا كبده و زرعناهاله"

قالوله "يا سلام؟ و بيشتغل كويس؟"

قال لهم "أمال..ده بيهضم الزلط دلوقت"

المصري قال "إحنا بقى كان عندنا واحد مخه بايظ رحنا شيلنا مخه و حطينا بداله جزمة"

قالوله "إيه؟؟ مش معقول! و لسة عايش؟"

قال لهم" ده بقى وزير عندنا دلوقت"

من طرف كرومبو الخميس أكتوبر 09, 2008 2:33 pm

ههههههههههههههههههههههههههه
بس الناس هنا في مصر مش محتاجين عملية هما كدا علي طبيعتهم
وهسئل سؤال ممكن يودينا ورا الشمس علشان الأمريكي يشوفني
وأكيد إنتي عرفتي السؤال إية ...................؟

من هم الوزراء ............................................؟