وقال ايه بيعيبو على الولاد والنبى اتفرجو

من طرف بنوتة مصرية الأربعاء فبراير 06, 2008 8:33 am

يا شباب انا لقيت الموضوع ده في موقع من المواقع وبصراحة عجابني جدا
وعايزة رأيكم فيه بكل صراحة
السلام عليكم ورحمة الله وبركاتة
لاحظت الايام الى فاتت دى
انتشار موضة مستغربها انا شوية
وبعض الناس شويتين
وبعض اخر من الناس عادى بالنسبة ليهم

لاحظت ان البنت سواء محجبة او غير محجبة
بتلبس سبحة كبيرة كدا وتعلقها على رقبتها
وفى شوية برضوا حاطنيها بس كبيرة اوى بقا وتوصل لتحت خالص كدا
وتقيلة لدرجة ان البنت يعنى ماشية رقبتها تحت فى الارض
زى ما تكون اخطات ومستحيا
وانا مش فاهم لية الحقيقة
هل دة بسبب تدين البنت وانها بتحب تسبح كتير وكدا ومش مكفيها السبحة الصغيرة
راحت جايبة واحدة حجم عائلى
ولا دة يعنى عشان معهاش تشترى سلسلة دهب وبما ان دى رخيصة وكبيرة وكمان بتتطلع برة الهدوم
يبقا دى تقضى الغرض و خلاص

ولا يمكن بتاجرها بالساعة وبالمرة تخد ثواب الى بيسبح وتتطلعها بقرش كويس اخر اليوم
مش عارف يمكن فى اسباب تانية وانا معرفهش
ياريت البنات ميزعلوش منى
بس الحوار دة انتشر جدا
وعايزين نعرف دة لية

وكمان فى حاجات تانية انا متكمتش عليها
وبصراحة انا مش حببها
زى الحزام الكبير
ومن فوق البلطون على طول بادى ما سك جدا
وفوق البادى شاكيت قصير جدا زى ما يكون بتاع اطفال

وفى كمان
البنطلون الاسترتش وفوق البنطلون جيبة طولها 20 سم

واغرب حاجة بشوفها لما الاقى واحدة لابسة بنطلون انا معرفش هى لبستوا ازى اصلا من كتر مهوا ضيق
ولابسة فوقه بادى
وفى الاخر الاقيها لابسة اشرب
طيب اية لازمته دة انتى كنتي لبستى واسع
وعريتى شعرك كان ارحم
وفى لبس كتير غريب
بس الاغرب والسؤال الى دايما بيطرح نفسه عليا
لية البنات كتير منهم دلوقتى بيلبسوا كدا
وليه هما بعاد اوى كدا عن ربنا
وربنا يهدى بنات وشباب المسلمين
واسف لو طولت عليكم ومستنى اعرف رايكم اية فى الظاهرة دى