كرسي الأعتراف

هو فى حد فى المنتدى غير انا وانتى واحيانا مصطفى وعلى
هنعمل استفتاء على ايه انا عن نفسى مش عاوزه اقعدى الكرسى انتى

واضح فعلا بدليل ان مفيش حد بيرد
انتى تكتبى موضوعات وانا ارد
وانا اكتب المواضيع وانتى تردى
شوفتى بقى انا عارفه ازاى

يا بنتي الناس لسه مسجلة نفسها ومقرأوش المواضيع

موافقة جدااااااااااااااااااااااا على حكاية الكرسى دى ومعاكم بصوا برشح رغدة هى الى تقعد علىالكرسى
واول سوال ليها هقولها
يا رغدة كام مرة حسيتى فيها انك كيس جوافة طبعا لو الرقم كبير ومش هتعرفى تكتبة ابقى قولى كتير اصل عرفاكى ملكيش فى الرياضة

دى الدفعه التانيه:
1/اهدى لكل واحد هنا فى المنتدى كلمه؟
2/تقولى لمين:مقدرش انساك
ميحرمنيش منك
ارجعلى
الليله دى
على بالى
انا مش بتاعه الكلام ده
ولا نص كلمه
انت معايا
اجمل احساس
كفايه كده
3/ايه الايه اللى كل لما تقرايها تبكى من قلبك؟
4/قوليلنا على حاجه اكسكلوسف؟يعنى اول مره هتقوليها؟
5/ايه علاقتك باهلك؟ اخوكى بيضربك ولا ايه النظام
6/مين السبب فى النيولوك اللى عملتيه؟
فى دفعه كمان
هههههههههههههههههههه

انا هابدأ الاسئلة الدفعة التالتة
1:الى اى مدى علاقتك بزمايلك الولاد
2:اخر كتاب قرتيه ايه وامتى
3:ايه الموقف اللى حصلك ومش عايزاه يتكرر
4:لو اتخرجتى هتشتغلى ولا تقعدى فى البيت
5:ايه امنيتك فى الدنيا
6:اول حب ليكي فى سن كام
7:مين اكتر شخصية بترتاحلها فى الكلام معاها
8:ايه الحلم اللى حلمتيه ولسه ماتحققش
وكفاية كده عليكي كفاية اسئلة اصحابك ربنا يقدرلك على حلها
وياريت تشوفوا مين اللى بعدك.

اجابات الدفعة الأولي وربنا يستر خفوا عليا شوية
1/ايه اسعد لحظه فى حياتك وايه اكتر لحظه زعلتى فيها من قلبك؟
أسعد لحظة في حياتي كانت يوم حفلة تخرج أخويا وبالتحديد وهو بيسلم علي العميد وبيستلم الشهادة
أكتر لحظة زعلت فيها كانت يوم وفاة بابا الله يرحمه

2/مين اكتر حد بتحكيله اسرارك؟
أنا معنديش أسرار احكيها بس لو حاجة مهمة بحكيها لصديقتي الأنتيم

3/معاكى تلات وردات احمر واصفر وابيض اهديهم لحد فى المنتدى؟
الوردة الحمرا ليكي يا دينا عشان بجد انا بحبك جدا وانتي صديقي عزيزة عليا
الوردة الصفرة للبنوتة منال عشان بموت فيها أصلا ودمها زي السكر
الوردة البيضا دي بتاعة يوتوبيا صديقتي ودي عشان لون قلبها الصافي

4/سؤال محرج/حبيتى قبل كده ؟ وحاليا ايه النظام
هههههههههههههههههههههههههه
برده مش مصدقاني
يا بنتي والله انا عمري مختلط بولاد عشان حتي افكر فيهم وحاليا برده مفيش
اهو ربنا يبعت
بس بجد بحب أخواتي وأمي أغلي حاجة عندي

5/عيوبك ومميزاتك بصراحه؟
هو صعب اي انسان يحدد عيوبه ومميزاته
بس أقدر أقؤلك ان عيوبي هي
انا مودي جدا ودي حاجة بضايقني عصبية شوية مبحبش أجامل حد ودي بتسببلي مشاكل يعني اللي فقلبي علي لساني مش بنافق ومش بعرف اتصرف في امور معينة لو حصلت فجأة
مميزاتي
حنينة رومانسية بحب الحياة ومجنونة كتير بحس اني عايزة اعمل حاجات مجنونة
مسامحة جدا واحيانا بحس ان ده عيب فيا
أقل كلمة ممكن تراديني

بس كفاية ابقي قوللي انتي الباقي


6/مين لما بتزعلى بتلجايلوا؟
حسب والله نوع الزعل
بس في تلاتة يا اما ماما أو أخويا أو صديقتي الأنتيم


7/ايه الحاجه اللى بتبكيكى من قلبك بجد؟
موت شاب سواء بنت أو ولد وخاصة لو كنت أعرفه
بكاء طفل
فقدان ابن لأبيه أو امه


8/مين اقرب حد ليكى من اصحابك؟
يوووووووووووووووووه كتير
بس عموما ايمان وسارة

9/مين من الفنانين والمطربين بتحبيهم؟
الفنانين : أحمد حلمي وعادل امام
ومنه شلبي
المطربين : أم كلثوم وفيروز ونجاة
فؤاد وعمرو حماقي وأنغام
الباقي ممكن اسمعلهم حاجات معينة
اه نسيت وطبعا العبقري عمر خيرت

10/ اخبار المذاكره ايه؟ عارفه الاجابه مقدما بس بحب احرجك
هههههههههههههههههه
من الصبح نزلة في اسئلة محرجة
بس كويس انك عارفة الأجابة مقدمة
وربنا يعدي امتحان الدراما ده علي خير

يلا يا دودو مستنية الباقي

1/اهدى لكل واحد هنا فى المنتدى كلمه؟
دينا : بجد انت طلعتي بنوتة لذيذة جدا وربنا يقدرنا ونفضل أصحاب طول العمر وسكوسكا جروب جرها
منال : دمك زي السكر وربنا يوفقك بجد تستهلي كل خير
يوتوبيا : انا بمووووووووووت فيها وربنا يخليهالي ويوفقها ويخليها ليا ولكل اللي بيحبوها
وبقؤلها انت بجد انسانة جدعة جدا
egyption: بجد ربنا يوفقك وكمل في مقالاتك وان شاء الله كل حاجات تتعرض في الجريدة اللي انت عايزها
مصطفي : ربنا يوفقك يا مصطفي وتخلي المنتدي ده احسن من كده بكتير ويوفقك في دراستك

دول اللي اعرفهم الباقي الحقيقة معرفهمش

2/تقولى لمين:مقدرش انساك
منال
ميحرمنيش منك
يوتوبيا
ارجعلى
اختي وبجد وحشتني
الليله دى
لقسم اذاعة ليلة الأحد ليلة امتحان الدراما الشفوي
على بالى
أصحابي اللي مشفتهومش من فترة بجد عاي بالي ونفسي أشوفهم
انا مش بتاعه الكلام ده
لدينا عشان مش مصدقه هي وسوسكا جروب اني مفيش حاجة جديدة
طبعا فاهمة يا دينا

ولا نص كلمه
لكل واحد بجد بيجيب في سيرة الناس وبيظلمهم وخلاص
والناس الكاذبين والحاقدين
انت معايا
أخويا لأني بجد بحترمه وبحبه جدا وأمي اللي مقدرش استغني عنها

اجمل احساس
لأيمان صديقتي بقؤلها اجمل احساس بجد ان يكون ليا صديقة جدعة أوعي زيك

كفايه كده
هو في اغنية اسمها كفاية كده

3/ ايه الايه اللى كل لما تقرايها تبكى من قلبك؟
بسم الله الرحمن الرحيم
"وجاءت سكرة الموت بالحق ذلك ما كنت منه تحيد "

4/قوليلنا على حاجه اكسكلوسف؟يعنى اول مره هتقوليها؟
ياااااااااااااااااااااااه بس كده
الامتحانات يوم 6 /1
ههههههههههههههههههههههههههههههه

5/ ايه علاقتك باهلك؟ اخوكى بيضربك ولا ايه النظام
الحمد لله كويسة وتمام اخويا يا بنتي عمره ميضربني لأننا بحترم بعض جدا
6/مين السبب فى النيولوك اللى عملتيه؟
حفلة التخرج بتاعة أخويا
وبعدين نيولوك ايه هو انا عملت حاجة غير اللي بعملها علي طول

دفعة كمان ارحميني يا دودو
بس بجد انا مستمتعة جدا
مستنية الدفعة الجديدة

1:الى اى مدى علاقتك بزمايلك الولاد
بص انا الحمد لله مفيش علاقة اد كده معاهم تكاد تكون منعدمة
بس لما بكلم حد بنكون غاية في الاحترام وبيكون في احترام متبادل بنا كلنا

2:اخر كتاب قرتيه ايه وامتى
كتاب كليلة ودمنة كتاب مترجم بس لسه لحد دلوقتي مخلصتوش
أصله صعب وطويل اوي
محتاج تركيز غير طبيعي عشان تفهمه

3:ايه الموقف اللى حصلك ومش عايزاه يتكرر
موت بابا ومش عايزة أفقد اي حد عزيز عليا بس ده حال الدنيا

4:لو اتخرجتى هتشتغلى ولا تقعدى فى البيت
لأ طبعا ان شاء الله هشتغل انا من مشجي شغل البنات
القاعدة في البيت وحشة اوي رغم اني بيتوتية بس بزهق بسرعة

5:ايه امنيتك فى الدنيا
امنياتي بجد اني اعمل حاجة احس بعدها اني رديت ولو جزء صغير من جميل وطني عليا
واشوف كل اللي بحبهم مبسوطين وناجحين في حياتهم

6:اول حب ليكي فى سن كام
انت زي دينا نيتك كده مش مظبوطة
بس بجد انا عمري ما حبيت

7:مين اكتر شخصية بترتاحلها فى الكلام معاها
ماما لأنها بجد شخصية متفتحة وبتفهمني بسرعة
وأكتر وحدة هتعطيني نصيحة بجد من خوفها عليا

8:ايه الحلم اللى حلمتيه ولسه ماتحققش
أني اشتغل حاجة انا بحبها

يااااااااااااااااااااااااااااااااه الحمد لله خلصت دا كان امتحان صعب موووووووووت
يا تري مين بعدك هنشوف كده
بس يارب ما تكون دينا
عشان اسئلة دينا فيها خبث رهيييييييييييييييييييييييييييييييب

Admin كتب:يا جماعه النت فاصل عندييييييييييييييييييييي بس ان شاء الله هاتخانق مع الراجل و ارجعه .... سامحونييييييي

عرفت مين بعدك يا EGYPTION
دا زميلي مصطفي بس يعني النت عنده بايظ وشكله طالب المساعدة مننا في الخناقة مع الراجل

بس براحتك يا مصطفي احنا في الخدمة لو اي حاجة
ويارب النت يوصلك
ومستنيه اسألتك بس ربنا يخليك اسئلة خفيفة كده
بلاش اسئلة دينا عشان كانت صعبة شوية عاملة زي امتحان العربي

لما شاب بيقؤل انه عايز يهاجر بره مصر بتنرفز كده بحس انه مش مقدر بلده
بس لو سافر وراجعع عادي لكن يهاجر لأ


ههههههههههههههههههههههه
ايه يا مصطفي خير سؤالك خبيث مووووووووووت
بص عادي ان اتنين يساعدوا بعض في الاجابات لكن ميجيش واسطة من بره توصي ان ده اللجنة تسيب عشانه
فاهم قصدي
لكن بصراحة مش هعمل حاجة لأن ربنا بيدي كل واحد علي اد تعبه

فيلم واحد من الناس بتاع كريم عبد العزيز دور منه شلبي في الفيلم وتمثله لأنها بجد فنانة عبقرية

المكرونة بالبشمل والجلاش باللحمة
بموت فيهم


- سؤال محرج شويه : انتي فاهمه حاجه في البلاغه؟؟ 9

ههههههه ردود جميله ... ربنا يوفقك .. يالله شوفوا مين اللي عليه الدور علشان نظبطه .. اوعي يطلع انا

وانا مستعد يا مصطفى ان شاء الله وفى انتظار اسئلتكم الجامدة والمحرجة ده انتوا يابنى خليتوا رغدة تتهبل من اسئلتكوا

خلص اسئلة دينا و بعدين ركز معايا ...
1- ايه هي التجربه اللي تتمني تكررها ؟
2- ايه اكتر موقف محرج حصلك ؟
3- ايه اكتر حاجه بتخاف منها ؟
4- شخص لا ترفض له طلبا ؟
5- اسوأ خبر سمعته ؟
6- اسعد خبر ؟
7- باقة ورد تهديها لمين ؟
8- احلي صدفه في حياتك ؟
9- اكتر كلمه بتنرفزك و اكتر كلمه بتهديك ؟
10- شخصيه ناريخيه كان نفسك تبقي مكانها ؟
وكل سنه وانت طيب