رد: كرسي الأعتراف

من طرف Admin الإثنين فبراير 11, 2008 6:42 am

المجموعه اللي بعدها .. يا مسهل

1- يعني ببقي مضايق شويه .. لا اوي .. بس بسمعله يمكن يطلع صح بس لو طلع غلط ببهدله

2- بعد التخرج .. ايه اللي هايحصل

3- الحمد لله .. حاجات كتيير

4- اتعلمت اني ماديش لحد كلمه الا وانا متأكد اني قادر اعملها 100% و اخلي بالي من الظروف دايما

5- يوم ما والدي توفي

6- الكتابه

7- صحيح الجلالين .. من زمان ( كنت في 3 ابتدائي ) بابا طبعا كان بترجملي علشان ما كنتش فاهم حاجه

8- الطيبه - ما اتكلمش عن حد وهو مش موجود

9- المغامره - التفكير الاقتصادي

10- الشغل في الاذاعه او التليفزيون

11- مش عاوز اقول ماليش .. بس مش عارف

12- و الدتي

13 - الساخر

14- قل لن يصيبنا الا ما كتب الله لنا

15- لا انا مش هاجيبله ورده انا هاجيبله هديه احسن شويه مش غاليه بس هو بيحبها

16- رأيي :
تامر امين : كويس بس ساعات بيستخف دمه زياده عن اللزوم
محمود سعد : بموت فيه
معتز الدمرداش : ماينفعش يشيل برنامج شامل لوحده
د/عمرو عبد السميع : كاتب كويس
مني الشاذلي : في البدايه كانت ملخبطه شويه بس دلوقت بقت محاوره جيده
هناء السمري : جيده في نشرة الاخبار

لا طبعا ان ما اقدرش اتخنق منك .. حسبي الله و نعم الوكيل

من طرف Admin الإثنين فبراير 11, 2008 7:03 am

1- الحياه : صعبه سهله لازم نعيشها
الموت : الحقيقه الوحيده اللي مافيهاش جدل
الاخوه : شئ جميل
الصداقه : موجوده بمفهومها الضيق
الحب : فاهمينه غلط خالص
الكره : سلاح لا يؤذي الا صاحبه
النفاق : ممكن يوقع اعظم الحضارات
الصدق : منجي ..
الكذب : مالوش رجلين
الخيانه : اسوأ حاجه في الوجود
المرأه : نقطة ضعف الرجل
الرجل : يجب ان يكون راجل في كل شئ
الطفل : بذره لو راعيناها صح تطلع نبته تفيدنا بجد

2- ما اعرفش في الشجر بس بحب النخل اكثر

3- الفل

4- البحار

5- النهار

6- الشروق

7- امبارح بالليل

8- الحصان

7- الاسود

8- لا .. حرام عليكي

من طرف بنوتة مصرية الإثنين فبراير 11, 2008 7:39 am

هههههههههههههههههههههه
ماشي ردود جامدة بس خد بالك انت خنسرت في شوية منهم
ومجوبتش عليهم وشكلي هسألك تاني الحق نفسك وجاوب عليهم احسن والا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

والله انا هاتجنن بعدت الاسئله مرتين ومش وصلت
المنتدى فى حاجه غلط ولا الغلط عندى انا

من طرف بنوتة مصرية الإثنين فبراير 11, 2008 8:34 am

ههههههههههههههههههههههه
لأ بعد الشر عليكي من الجنان بس تلاقي الموقع معلق ولا حاجة
ومصطفي بيدخل وينفض لبقيت الاسئلة
مااااااااااااااااااااااااااااااااشي انا هجبلك شوية اسئلة كمان
استحمل بقي

لاء بجد حرام عليكى يا رغدااااااا كده كتير اوووووى انتى مخلتيش حاجه نسال فيها اصلا
بس عندى تعليق واحد الصداقه لسه موجوده فعلا ومهمه جداا
بس اجاباتك كويسه جداا اا دبلوماسيه شويه بتنفض شويه بس عموما كويسه نبدا الماتش
1/كلمنا عن اسرتك اخواتك واسماؤهم وسنهم؟
2/احساسك اول يوم دخلت فيه الكليه؟
3/مجموعك فى الثانويه العامه؟ واحسن درجه كانت ماده ايه والعكس؟
4/اكتر موضوع عجبك فى المنتدى كله
5/من هو الشخص الذى تلجأ اليه فى اشد لحظاتك ليشاركك احزانك؟
6/من الانسان الذى لا تخجل ان تبكى امامه؟
7/هل انت تعتبر شخصيه غامضه ام من السهل ان يفهمك اى شخص؟
8/من اكثر شخص استفدت منه فى الحياه؟
9/لمن تقول الاتى:ـ
حسبى الله ونعم الوكيل
اتقى الله
مش زعلان منك
ياريتنى عرفتك من زمان
شكر لك
لن انساك
الله معك
10/كلمه واحده توصف بيها:ـ
مصر
الحكومه المصريه
الاهلى
11/من اكتر شيخ او داعيه يؤثر على فكرك الدينى؟
12/لو طلبت منك توصف نفسك بكلمه واحده تقول ايه؟
13/اكتر مقلب عملته فى حد؟ ومقلب جامد اتعمل عليك؟
14/ماذا تفعل فى المواقف الاتيه:ـ
اذا اخذت موعد من شخص وذهبت فى الموعد ولم يحضر؟
ولد يعاكس اختك وهى ماشيه معاك
تعدى عليك شخص بالكلام او تطاول عليك بدون سبب
15/متى اضطررت ان تكذب ومتى تلجأللكذب
16/هل تستمع للاغانى؟من تفضل ان تستمع له0/
17/موقف تعلمت منه الكثير ولن تنساه
18/اكثر يوم شعرت فيه بالسعاده
19/فى مجال تحب القراءه؟
20/هل تشاجرت مع شخص قريب بسبب الكوره؟متعصب ام لا؟
21/كلمه توجهها لكل واحد فى المنتدى على حدى؟
مبحبش الاجابات الدبلوماسيه
لو ماجوبتش على سؤال هسالك تلاته غيره

بص لو فى سؤال جاوبت عليه ابقى اكتبه تانى لانى من كتره الاسئله معرفش اللى اتسألته واللى متسالتوش
نسيت اسئله
22/ بتقضى يومك فى الاجازه ازاى؟ وايام الدراسه؟
23/ندمت على دخول القسم؟بعد لما شوفت الرواقه بتوع العلاقات
24/اكتر دكتور بتحبه والعكس؟
25/هل تؤمن بلاختلاط يعنى تبع عادى كلنا اخوات ولاد وبنت؟ولا رايك ايه؟
26/بتدخل شات وممكن تتعرف على بنات وتحترمها؟
27/ممكن تحب على النت من غير ما تعرفها؟
28/تاعب مامتك ولا هادى مع انى معرفش لحد الان ولد هادى ابددا؟
29/مره حسيت فيها انك غلطت فعلا
30/لو انت اللى غلطان سهل تقول اسف؟
ممكن طلب بون غلاسه تكتب السؤال وتحته الاجابه علشان المتاهه اللى فوق دى
سوررى للاطاله بس برده مش زى رغدااا

من طرف بنوتة مصرية الثلاثاء فبراير 12, 2008 2:48 am

انا طولت دا هما كام سؤال انتقام بس
امال انتي هعمل فيكي ايه دا انا هروقك
بس اصبري عليا

من طرف Admin الأربعاء فبراير 13, 2008 3:59 am

اسرتي بتتكون من 6 افراد و الدي الله يرحمه ووالدتي ربنا يخليها ليا مدرسة انجليزي في الازهر و اخواتي
مي : 17 سنه ثالثه ثانوي و جابت 94% في ثانيه ونفسها تدخل اثار بس مش عاوزه تروح القاهره
شروق : في اولي اعدادي .. بتحب العلوم جدا و اخدت شويه جوايز كده في مسابقات علميه و جايزة سوزان مبارك في ثالث احسن بحث علمي " والله مش فاكر كان عن ايه "
ايمان : 5 سنين في ثانيه حضانه و بتحب الحساب جدا لدرجة انها ساعات بتسيب المواد كلها و بتخليني اخترعلها مسائل ولو مرضيتش بتقعد تخترع مسائل و متعرفش تحلها لانها ماتتحلش اصلا

2- يعني شوية احاسيس مختلطه فرحان اني خلصت الثانويه و قلقان من المرحله الجديده

3- مجموعي كان 86 % و احسن درجه كانت في علم النفس و التاريخ و اسوأ درجه كانت في الرياضه

4- بصراحه كل المواضيع جميله و هادفه .. بس اكتر موضوع شدني " الروتين " لاني بتخنق من اي حاجه روتينيه

5- والدتي

6- ولا حد

7- و الله ده يتوقف علي الاشخاص نفسهم .. ايه رأيك انتي ؟؟

8- والدي ووالدتي

9- اقول
حسبي الله ونعم الوكيل في ... واحد كده
اتقي الله ... واحد صاحبي في هندسه
مش زعلان منك ... واحده في سياسه واقتصاد
يا ريتني عرفتك من زمان ... ليه هو انا عندي 90 سنه
شكرا لك ... والدي
لن انساك ... احمد نشأت واحد صاحبي توفي .. الله يرحمه
الله معك ... الشعب الفلسطيني و العراقي والمسلمين في كل مكان

10- كلمه واحده اوصف بيها :
مصر : مظلومه معانا
الحكومه المصريه : اصحاااا فتح عينيك
الاهلي : الكبير كبير

11- الشيخ محمد حسان

12- انا

13- اكتر مقلب عملته في حد .. كان فيه واحد صاحبي بيعرف يقلد اصوات البنات اتفقت انا وهو نعمل مقلب في واحد تاني اسمه احمد " في تجاره " هو حاسس انه مقطع السمكه وديلها و البنات بتجري وراه في كل حته " علي اساس انه تامر حسني " و فعلا صاحبي ده اتصل بيه وقاله ان هو اقصد هي معجبه بيه و بتراقبه من زمان وانها معاه في نفس الكليه و طول النهار عينيها عليه و النظام ده و الواد شكله ما صدق ان فيه واحده عبرته وبقي مستني التليفون بتاعها علي نار شويه شويه .. واتفقت مع واحد صاحبي تاني اسمه " زياد " انه يعمل دور اخوها و قفشهم وهما بيتكلموا في التليفون وخد السماعه وهاتك يا شتيمه في احمد و شويه وجاب شويه عيال اجسام وراحله الكليه وقاله انت اللي بتعاكس اختي ؟؟ و كان هايضربه و احمد يقوله " انا بحبها موتني اضربني بس مش هاسبها ابدا " و زياد فعلا كان هايضربه بس وقفنا اللعبه ولسه احمد بيدور علي البنت دي لحد دلوقت.

اكتر مقلب اتعمل فيا ...
كنا في المدرسه وكان عندنا استاذ فرنساوي غريب جدا اسمه " مرسي " كان اللي يدخل وراه الفصل بتبقي ليلته سوده علشان كده العيال اللي كانوا تحت لما يعرفوا انه طلع محدش كان بيتعب نفسه ويطلع .. وانا طبعا بحضر بالبركه فامش عارف الجدول .. وكنت تحت بلعب كوره وبعدين زهقت قلت اطلع احضر يمكن انفع ولا حاجه .. لقيت الباب مقفول و البنات كانوا عندنا في الصفه اللي عند الشباك بصيتلهم وقلتلهم مين اللي جوه قالولي ادخل .. وانا مش مطمن علشان شكلهم جد زياده عن اللزوم وانا متعود انهم بيضحكوا عالفاضيه و المليانه بس لقيتهم بيلحوا قوي قلتلهم طيب و رحت مخبط علي الباب " وياريتني ما خبطت " مرسي مسكني من هدومي و عينك ماتشوف الا النور .. وهبا سخنت ورحت ضاربه انا كمان راح العيال بتوعنا ما صدقو وقاموا ضربوا فيه و الحمد لله الصبيان كلهم اخدوا اسبوع رفد .. وقضيت الاسبوع ده ازاي دا كان قصه تانيه بقي .. بس رضينا للبنات المقلب ده بواحد اجمد .

14- ماذا افعل ؟؟
- اديله موعد و ما احضرش انا كمان
- محصلتش قبل كده .. بس هاديله اللي فيه النصيب بقه
- بدون سبب !! يبقي مجنون .. لو كان كبير احترم سنه ولو كان صغير دا عيل حرام عليا لو ضربته اما لو كان شباب بقي .. يا ستي دا طيش شباب .. سيبيها بظروفها
- لا الحمد لله مش بكذب كتيير لاني انا اكتر واحد في العالم كدبته بتنكشف وقبل حتي ما اكملها .
- شويه .. فضل شاكر .. احمد سعد
- مواقف كتتير .. اتفقت مع واحد مره علي حاجه و بعدين ماقدرتش انفذها .. اتعلمت اني مااديش لحد كلمه الا لما اكون متأكد اني اقدر اعملها
- 1 رمضان 2006
- الكتب التاريخيه و الساخره
- لا انا عمري ما كنت متعصب في الكوره لانها لا تتعدي مجرد ترفيه
-
رغده : شكلك بتحبي مصر اوي
حضرتك : ال pic الجديده جامده
محمد : عجبتني اوي لما قلت " مادام انا في مكان لازم اثبت نفسي فيه "
علي : حلو السيناريو بتاع مصر الحروسه
مصطفي الجندي : مبروك لمصر وبطل فرقعة صواريخ
باقي اعضاء المنتدي : مستنيين مشاركاتكم

من طرف Admin الأربعاء فبراير 13, 2008 4:35 am

1- بتقضى يومك فى الاجازه ازاى؟ وايام الدراسه؟
ج1 : واللهمش عارف انا المفروض كل اجازه مش بقعد ولا يوم في البيت بس الاجازه دي الجو ما كانش مشجع علي حاجه و بعدين العيال زمايلي معظمهم في شرطه و حربيه وكده واجازاتهم كانت اسبوع واحد اللي هوه كان مطر اصلا فقضيتها في البيت لاول مره في حياتتي بس هعوضها في الاجازه الكبيره

2- ندمت على دخول القسم؟بعد لما شوفت الرواقه بتوع العلاقات؟
لا .. قسمنا كويس برضه

3-اكتر دكتور بتحبه والعكس؟
اكتر دكتور .. د.اماني و المعيد مصطفي و الدكتور عبد الجواد لما يبقي رايق

4- هل تؤمن بلاختلاط يعنى تبع عادى كلنا اخوات ولاد وبنت؟ولا رايك ايه؟
ايوه ... مادام في حدود الصداقه

5- بتدخل شات وممكن تتعرف على بنات وتحترمها؟
ايوه عندي اصحاب كتيييير جدا علي الشات

6- ممكن تحب على النت من غير ما تعرفها؟
لا دا اسمه هبل

7- تاعب مامتك ولا هادى مع انى معرفش لحد الان ولد هادى ابددا؟
لا انا تاعب كل الناس ماعدا مامتي حتي بحاول انفذ اللي هي عايزاه من غير مناقشه

8- مره حسيت فيها انك غلطت فعلا ؟
مش كتير اول لاني بفكر كتيير قبل ما اعمل اي حاجه

9- لو انت اللى غلطان سهل تقول اسف؟
لا ... لشخصين بس .. منهم والدتي طبعا

اولا اجابتك كويسه وكامله وجاوبت عليهم كلهم فعلشان كده مش هسألك غيرهم
ثانيا بصراحه معرفش اقول رايى فيك لانى متكلمتش معاك ومينفعش احكم على حد كده
بس ليه واحد رمضان احسن يوم؟

هسألك بقى شويه اسئله كده لحد لما تختارو حد ؟اختيارى على فكره علشان انت جاوبت على كل الاسئله اللى فوق:
1/لو اخذت السلطه والقياده فى مصر ايه اول حاجه هتعملها؟؟
2/هل انت من المدخنين؟
3/ايه اخر ماسيدج على موبايلك ومن مين؟
4/يوم تنتظره بفارغ الصبر؟
5/تحدث عن طفولتك بأختصار؟وكيف قضيتها؟
6/هل تعتقد انك شخص ناجح فى حياتك؟
7/ماذا اخذت من النت وماذا اعطيته؟
8/فى كل الامور تحكم قلبك ام عقلك؟
9/ما هى نقطه ضعفك؟
10/ماذا يعتبر النت بالنسبه ليك؟وكم ساعه تجلسها يوميا؟
11/اذا ظهر لك مصباح علاء الدين وقالك ايه الحاجه اللى عاوزها وانا احققهالك؟هتقول ايه
12/متى تريد ان تغلق باب حجرتك ولا تريد التحدث مع اى شخص؟
13/ايه الصفه اللى تتمنى انها تبقى فيك؟
14/اختار احد الاعضاء ووجه له نصيحه؟ اجبارى
15/هل حاولت تكلم بنت قبل كده واحرجتك؟
وكفايه عليك كده اتسألت كتير ممكن تختار حد كان موجود قبل كده على الكرسى عااااادى

من طرف Admin الخميس فبراير 21, 2008 3:10 pm

1- ممكن نحاول نعمل اكتفاء ذاتي ولو لفتره ده هايحكم الاسعار بشكل كبير جدا و هايشجع الاختراع و الابتكار حتي لو كان بدائي

2- لا .. الحمد لله .

3- اخر ماسيدج كان امبارح .

4- التخرج ..

5- الحمد لله طفولتي كانت كويسه الي حد ما بس اكتر حاجه فيها كان التنقل من مكان لمكان و عشنا في اكتر من 5 اماكن .. يمكن دا اللي اثر علي شخصيتي دلوقت في اني مش بثبت في مكان ولا مع اشخاص .. حتي انا فاكر لما كنت في المدرسه كان المدرسين دايما بيزعئولي علشان مش بثبت في كرسي مره في الاول و مره في الاخر و مره في النص .

6- و الله مش عارف

7- اخذت منه حاجات كتيير يمكن معرفه بتصميم المواقع و الاخبار معلومات كتييره جدا اما اعطيته .. مجله شبابيه يا رب تستمر و منتدي بجد بحب كل اعضائه جدا جدا

8- عقلي و للاسف في كل حاجه

9- مش عاوز اقول ماليش .. بس مش عارف .

10- النت هو الرابط بيني و بين العالم .. في الايام اللي بيكون النت فيها فاصل عندي بجد ببقي مش عارف اي اخبار او اي مستجدات .

11- هاقول .. عاوز كل الدول العربيه دوله واحده .. و باقي الاهداف هاتتحقق لوحدها لو ده تم

12- لما بكون مخنوق

13- المجازفه

14- علي .. خلي بالك من الحروف شويه ابوس ايدك انا اتعميت النهارده .

15- حاولت اكلم بنت .. ايوه .. احرجتني الحمد لله لسه لحد دلوقت

من طرف بنوتة مصرية الجمعة يوليو 04, 2008 8:06 am

هاي يا شباب انا بقؤل نرجع كرسي الاعتراف من تاني

وكل واحد يقؤل تقعد مين علي الكرسي دلوقت واللي يجيله 3 اصوات
هو اللي يعد علي الكرسي
ونكمل اللعبة ومستنية رايكم

من طرف قطره ندى الجمعة يوليو 04, 2008 9:12 am

موافقه يا رودى
وانا اختارك انتى

من طرف فراشه الاسلام الأحد يوليو 06, 2008 9:49 am

يابنتى دول بيكسلوا يكتبوا على اى موضوع شكرااا
عاوزاهم يكتبوا اسئله ؟ويتعبوا نفسهم

من طرف areeg الأحد يوليو 06, 2008 12:10 pm

طب انا بقى بقولك يادودة ميرسىىىىىىىىىىىىىىىىى
على انك رجعتى اللعبة تانى
وهسالك سؤال اكمل بية ىاللعبة
هتقضى اجازتك فييييييين
وازاااااى؟

من طرف بنوتة مصرية الإثنين يوليو 07, 2008 3:04 am

هي دودة فيبن مش ظاهرة بقالها فترة لعل المانع خير باذن الله

من طرف mug الإثنين يوليو 07, 2008 8:14 am

براحة ع مصطفى شوية
حد طيب جدا وميستهلش البهدلة دى
والة انت رأيك اية يا مصطفى

من طرف بنوتة مصرية الإثنين يوليو 07, 2008 9:25 am

با احمد ده كان زمان وحطوني اول واحدة قلت والله لازم اظبطهم
ومصطفي ياعيني اللي شال اليلة بس هو ناصح فوت اسالة كتيرة جدا
واحنا عندناله مش مهم المرة التانية هيرد علي كل الاسئلة والا هو حر

في حد هنا
ولا كلكم هناك

من طرف فراشه الاسلام الأحد سبتمبر 28, 2008 3:49 pm

هههههههههههههههههههه
محدش هنا ولا هناك

من طرف باكينام السبت فبراير 14, 2009 5:04 pm

على فكره انا عضو جديد اسمى باكينام وقرات لعبكم وياريد اشارك معكم شكررررررررررررررررررررراا thankssssssss danser

,وعلى فكره انا رياضيه

كرسي الأعتراف

هل توافق علي كرسي الاعتراف ؟