الاتجاة المشاكس

الاتجاة المشاكس

الاتجاة المشاكس هو دة النظام الجديد و البرنامج إلى هاقدمة على طبق

فول معاة شوية مخلل من النوع الحراق أول حاجة واحده قايمه من النوم بدرى عشان تجيب رغيف عيش لكن من حسن القدر وليس من سوءه أنها ترجع محمولة على الاعناق بدلا من أن تعود على قدمها وزى ما قالوا ريحت واستريحت... دةالمثال الاول

أما الاتجاة المشاكس أن الفراخ هي كمان بتطلب الان بأن تقوم الحكومة بزيادة الفرصة بإصابتها بأنفلونزا الطيور حتى لا تلقى نفسها واقفة فى طابور عشان تبيض

الاتجاة الثالث هو السبق الصحفى للصحفية الزميلة العاملة بجريدة 24 ساعة حول أن الناس بيأكلوا حمير وكلاب بس السؤل وأية ياعنى لحمة الحمير هي مش لحمة برضه ؟! ومن المتوقع بعد الحدث أن ترتفع أثمان الحمير والكلاب وستصرح الوزارة نظرا للغلاء خصخصة الحيونات حتى تكون سلعة متاحة للجميع وزى ما قال الفنان الكبير محمد هنيدى فى فيلمة (يانا ياخلتى ) إنشاء الله يابابا تأكلنا بكرة على الغداء سنية كلاب والسر فى الطبخة .

الاتجاة الرابع هو قيام الحكومة فى الفترة الاخيرة بالاتجاة إلى جمع الضرائب بإعتبار أنها "مصلحتك أولا " المشكلة أنهم بدأوا يطلبو من العمال أستخراج فواتير لكن السؤل هو لو أنا رحت للحلاق هاقولة هات الفاتورة عشان أرجعلوا لو لقيت قصت شعري مش حلوه أرجعها تاني ؟! ولا كل دة عشان لم الفلوس وزى مقال الكاتب الكبير وعجبى وزى مقالوا "هى راحت ومش راجعة تانى" .

الاتجاة الخامس هو الخصخصة الصراحة فى سؤل محيرنى هل هناك علاقة بين المصطلح دة والخس إلى بيتاكل ولا جه المصطلح دة منين ؟ وهل هما ممكن فى أتجاة الخصخصة يبأة فىه خصخصة أفراد زى الشركات بردة ؟ مين عارف كل شئ جايز ؟ .

الاتجاة إلى بعد كدة هو الاتجاة حول الازمة التى فجرها الداعيه الاسلامى اقصد (العلماني )إن صح التعبير الشيخ جمال البنا حول تحليل القبلات الصراحة بينى وبينكم الفتوي دي جت في الوقت المناسب لكن المشكلة مثلا أن قابلت وزيرة القوة العملة بدل ما اسلم أبوس ؟؟ ولا اعمل ايه بالظبط !! وزي ما قالوا (عك وهيس أهو كلة كويس ) .

الاتجاة إلى بعد كدة أن من الطرائف فى إحدى الدول العربية الشهيرة أجرى مزاد علنى لبيع أرقام السيارات ولكن أن من هذة المفارقات أن اللوحة رقم واحد بيعت ب14 مليون دولار ياترى هتتركب اللوحة دى على أى نوع من العربيات ؟؟ الصراحة لو بتاعتي وبالسعر دة كنت علقتها فى رقبتى ومشيت بها وزى مقالو (أخويا هايص وانا لايص)

الاتجاة إلى جاى أخر البدع هو قانون الطفل إلى أهم بنودة هو رفع سن الجواز المشكلة أن يظهرأن القانون دة جة زى ما هو من بره محدش عدله ... يظهر ان الساده المسؤلين ميعرفوش أن مافيش حد بيتجوز أساسا .. وسيبنا من دة الحاجة الثانية هى ان يتم تسجيل مجهولوا الهوية بأسماء الامهات .. المشكلة مش فى كدة ياترى الام موجودة أساسا ؟؟ وياريت كل واحد مسؤل عن القانون دة وهو ماشى يبأة يبص من شباك عربيته تحت أى كبرى جايز يشوف الطفل الحقيقى عشان يعمللو القانون اللي في صالحه بجد .. لكن يظهر أن القانون إلى عملوة عشان حماية التفل .. اتعمل علشان تفل الشاى ولا يمكن علشان تفل الانابيب اللي ممكن يكون منفس (واديها رشا جريئة ) .

كنتم مع الاتجاة المشكس يصدر عن الهيئة القومية للم الجوم من الشورع

إنتاج قناة هوس هوس

إعداد وتقديم وإخراج الساكت دائما

على المنسى