المصرى اجمل انسان فى الدنيا رغم كل ده

المصري هو اللّي


بيفهم في الطب ويشخص المرض ويوصفلك الدوا وبيفهم في النقاشة والكهربا
وتصليح العربيات والطبيخ والسياسة والكورة وهو أبيض ياورد



بيحط الريموت كونترول في كيس بلاستيك كعادة فرعونية قديمة



يقف يتكلم على الباب نص ساعة بعد إنتهاء الزيارة والسلام



لمّا تفتح نملية المطبخ هتلاقي عنده عشرين برطمان بتاع مربى فاضيين
بقالهم سنين ومازال مُصِر على جمع المزيد



ييجي بعد معاده بساعتين ويفتكر إن ده عادي ،، لا بالعكس ساعات كمان يقول للتاني انت ايه اللي جابك بدري



لسه عنده إصرار إنه يتكلم بصوت عالي في التليفون لما تكون المكالمة
دولية عشان التاني يسمعه ،، على اساس ان المسافة بينهم كبيرة يعني



بيعتبر نفسه أفضل واحد في الشرا والفصال وبعد كده يكتشف إن الحاجة في
المحل اللي جنبه أرخص من غير فصال



بيحتفظ بأكياس محلات اللبس والأحذية وورق الهدايا تحت مرتبة السرير
لسنوات ومابيستخدمهاش وعنده مبدأ عجيب ( مفيش حاجة بتترمي )



عنده صينية مكسرات متقسمة لتلات او أربع أقسام لزوم المزاج وعمره
ما إستخدمهاش



ممكن يعدي التلاتين ولسه عايش مع أمه وأبوه وماعندهومش مشكلة



بيشتري قبل الفطار في رمضان مواد إستهلاكية أصلا موجوده عنده في البيت
ولسه ما استخدمهاش ( خلي العيال تاكل )




بيكون عنده شواية لزوم الرحلات أقصى استخدام لها كان مرة واحدة في
العيد

بيشيل طابع البريد من على الظرف لو الختم ماكانش عليه



بيفتكر إن أي حد بيشتغل في الخليج بيغرف فلوس من غير حساب



بيكون مشغول بقيمة التيبس أو البقشيش طول العشا ياترى ربع جنيه ولا نص
جنيه ولو ربع يبقى مخروم ولا ربع ورق

برده بيتخانق ساعة دفع الحساب بحرارة شديدة على إنه هو اللي لازم يدفع



بيفرش ملاية سرير على طقم الأنتريه عشان يفضل نضيف لما ييجي ضيوف
وما بيشيلهاش لما ييجوا



اشطة على المصري ،، ومع كل ده هيفضل المصـــــــــــــري اجمل انســـــــــــــــــــــــــــان في الدنيا

و الله عادتنا دي اللي بتخلي الواحد حاسس ان لنا طابعنا الخاص و عادتنا المصريه - حتي لو كانت مش مهمه او غريبه - مش احسن من الامركه اللي احنا عايشين فيها دي .. شوفوا الافلام و الكليبات ( افلام اجنبي بس بالعربي )

موضوع رائع والله وعندك حق فعلاً
بس انا باين مش مصريه لانى اى حاجه قديمه برميها علطول
ومبحبش احتفظ بحاجه مبقاش ليها قيمه
ميرسى يا علا على مواضيعك بجد كلها حلوه

ايه يا دينا دوري كده يمكن تلاقي حد من اجدادك من بره مصر ... انا لا يمكن ارمي حاجه حتي لو مش ليها لازمه .. بس بتضيع مني في الاخر

ههههههههههههههههههه لاء اجدادى مصريين بس انا مبقتش مصريه
فيين رغداا كانت هتقول اشعار فى مصر دلوقتى ابقى قولها دينا بتقول مبقتش مصريه
شوفها هتقول ايه ههههههههه

لا لحسن تعمل مظاهره ضدك ولا حاجه ... خليها هي اللي تقرا بنفسها

هههههههههههههههههه قولها بكره فى الكليه
انا بحب المظاهرات بس انت قوم بالواجب

خلاص .. انتي اللي طلبتي