مين اللى بينسى اسرع

من طرف ma2aleb الثلاثاء أبريل 22, 2008 5:27 am

كلنا بنمر بقصص حب....في الي يتكمل و في اللي مش بتكمل

مش عايزة اطول...نتكلم على اللي مش بتكمل

يا ترى لما تحب اوي و بجد اوييييييي
ممكن تنسى؟؟؟ و لو هتنسى يبقى في قد ايه؟؟؟ شهر 2... 10
ولا سنين؟؟؟
و الاهم من ده كلو...انا اكتشفت حاجة...ان الولد بينسى اسرع من البنت
مش الكل....عشان انا اعرف اولاد بقالهم سنين..و لسة عايشين على ذكرى اول حب حقيقي في حياتهم

و في اللي بينسى من اول شهر

البنات بقا...و صدقوني ده على لسان بنات كتييرة.....مش بننسى للأسف
لما نحب بجد...وفي ناس بتقول خلاص اهي مرة و جربت و مش هعدها تاني
ممكن بنت تعيش اللي باقي من عمرها تحب اول واحد حبيتو بجد
حتى لو ما يستهلش...

ها ميين يبنسى اسرع بقا؟؟؟
مستنية ردودكم

من طرف Admin الثلاثاء أبريل 22, 2008 10:02 am

الموضوع نسبي يعني بيتوقف علي اد ايه كانوا بيبحبوا بعض و اكيد اللي كان بيحب التاني اكتر هو اللي هايتعذب اكتر و هايبقي من الصعب انه ينسي .
بس انا بلوم علي الناس اللي يقولوا كانت تجربه و مش هاتتكرر تاني .. لازم الحياه تستمر و لايمكن ينسي او تنسي الا اذا عاش حب جديد .

من طرف doda الثلاثاء أبريل 22, 2008 1:20 pm

الراجل بينسي أسرع بكتيرررررررررررررر من الست

لكن في رجال ودول قليلين قوووي يعني 1 كل 500 ممكن مينساش بسرعة

و1 كل 1000000 لو منسيش خالص طول حياته

لكن الست بتنيها فاكرة طول عمرها
ممكن تحب وتتجوز لكن هيبقي عادي جوزها ولازم تحبوا

لكن أول حب عمروا ما يتنسي

ودي الحقيقة المرة الي كل الي بيفترقوا بيعرفوها
ومنهم الي بيتاكد

بس عايزة اقول ان في بنات مبتحبش اصلا وممكن تغير في السنة 3 أ, 4 شباب

يعني في وفي ف يالنوعين الرجالة والستات

DODY

من طرف كرومبو الأربعاء أبريل 23, 2008 10:02 am

الموضوع صح زى منتى بتؤلى بس الصراحة الزمن دة مبائش زمن أفلطونى زى مانتى فاكرة الدنيا بأت ماشية على نظام التيك أوى ولا أنتة رأيكم أية

أفلاطون هو الحل هو إلى وصف الحب بس دة مش موجود إحنا بأنة فى التروة المصلحة هى الاساس وفكك من إلى نتى فية rendeer

من طرف doda الأربعاء أبريل 23, 2008 4:29 pm

افلاطون وصف الحب العذريبأنه الحب الذي يخلو من اي علاقة زوجية
.....وانه مجرد عشق للروح

سؤال

تقدر تعيش بحب أفلاطوني طول حياتك ؟؟

ياريت الكل يجاوب

شخصيا أقدر جداا
بس الشباب ممكن يقدروا

DODY

من طرف فراشه الاسلام الخميس أبريل 24, 2008 3:30 am

هجاوب الاول مين بينسى مينفعش نعمم القاعده لانه بيتوقف على اذا كان بيحب بصدق ولا لاء
سواء بنت او ولد بس ممكن لانه البنات بطبيعتها حساسه ورمانسيه اكتر فبتاخد وقت علشان تنسى
وعلى فكره فى ولاد بيتعبوا اكتر من البنات كمان
اما بقى سؤال داليا
مفيش اسمها حب افلاطونى دلوقتى وانا محبش انى اعيشه
كل وقت وليه طريقته واسلوبه
ولو انتى بتتمنى كده يا دودا اوعدك انك مش هتلاقى

من طرف Admin الخميس أبريل 24, 2008 6:54 am

هو ايه فايدة الحب الافلاطوني ؟؟
ربنا خلق الحب علشان يتوج بالزواج و يبقي فيه موده ورحمه بين الزوجين ... ايه فايدة ان اتنين يحبوا بعض وهما عارفين ان حبهم ده مش هايوصل لبر ...

من طرف doda الخميس أبريل 24, 2008 1:34 pm

أنا سألت تقدر أم لا
مش هو صح أو غلط

من ناحية أقدر فأنا أقدر جداااا

لكن أنا موافقة ولا لأ طبعا لا لأن ربنا قال في القراءن زي ما أدمن وضح " وجعلنا بينهم مودة ورحمة ...." صدق الله العظيم

والرسول حث الشباب علي الزواج المبكر لما فيه من ستر وحماية للطرقين

DODY

مين اللى بينسى اسرع

مين اللى بينسى اسرع

رد: مين اللى بينسى اسرع

رد: مين اللى بينسى اسرع

رد: مين اللى بينسى اسرع

رد: مين اللى بينسى اسرع

رد: مين اللى بينسى اسرع

رد: مين اللى بينسى اسرع

رد: مين اللى بينسى اسرع

رد: مين اللى بينسى اسرع