الى فرختى العزيزة

من طرف Juliet الثلاثاء أبريل 22, 2008 11:06 am

رساله الى كل ديك وكل فرخه
اخى الديك الكريم اختى الفرخه
بعد التحيه والسلام000ابعث اليكم بخالص أمنياتى القلبيه أنا وجميع شبا ب جامعة المنوفية بالشفاء العاجل وأن ترزقوا الصبر والسلوان فى مصابكم الجلل بفقدانكم الالاف من الا هل والاصدقاء فقد فقدت مصر كوكبه من خيره فراخها بسبب هذا المرض المسمى بأنفلونزا الطيور
الله يرحمكم يافراخ ياكبار اتعلمنا منكم كتير بالذات الفرخه اللىكانت بتطلع ف الاعلانات وتصرخ وتقول( ادبحنى يامعلم قطعنى يا معلم) اتعلمنا منها التضحيه بالنفس من اجل راحه الاخرين وكذلك اتعلمنا منكم الفقس فعرفنا ازااى نفقس الحكومه بتاعتنا الى عامله زى المنشار طالع واكل ونازل واكل0
اللى بيننا وبينكم اكتر من عشرة عمر أنا لوحدى من ساعة م اتولدت حتى الآن ضاربة بتاع500صدر وورك حتى ماما وأنا صغيرة كا نت بتضحك عليا وترضعنى شوربة قال ايه عشان لما أكبر أريش0
نعلنها للدنيا كل الدنيا وللعالم كل العالم أن لحم كتفنا من خيركم وعمر اللحمه أوالسمك ماهيسدوا الفراغ اللى انتوا هاتعملوه فى بطننا مين يقدر ينسى الصدور الحنينه اللى ياما اتعاركت عليها أنا وأخويا الصغير ومين هيقدر ينسىالوراك ولا الكبد والاوانص00000 والشوربه وسنين الشوربه (فاصل من البكاء) ياما اخد نكم لحم ورمناكم عضم خلاص مفيش رحمه حتى الحكومه بتاعتنا سايقه عليكم النداله بدل ماتقف جنبكم عماله تدبح وتموت فيكم 0000انا سامعاهم بيقولوا من يومين أنهم عندهم حل من اتنين إماإنهم يدبحوكوا عشان ما تعدوناش أوإنهم يدبحونا عشان منتعداش منكم0000وكان نفسنا نقوم معاكم بالواجب لكن نعمل ايه الحكومه بتاعتنا ايديها طايله ولوشمت خبر ممكن تعدمنا معاكم وإحنا شعب أغلب من ا لغلب
لكن فالنهايه لازم نقول يابختكم عشان انتم يافراخ هتستريحوا من الوشوش العكره اللى واكله البلد والعه00000يارتنى كنت فارخه
والسلام ختام
سؤال الحلقه للفراخ اللى ف المنازل00س0ياترى الفرخه بتلد أم تبيض ؟
ترسل الإجابات على قفص بريد الموجود بشارع الفرخه الديخه ولا تنسوا يرفق بالخطاب بيضه بلدى

من طرف Admin الثلاثاء أبريل 22, 2008 11:27 am

انا شايف ان الحل الامثل ان الحكومه تعدمنا لحسن ننعدي من الفراخ ولا حاجه لقدر الله .. وانا شايف ان حكومتنا بتستخدم الحل ده في كل مشاكلنا ... ربنا يخليلنا الحكومه و تخاف علينا كمان و كمان

من طرف doda الثلاثاء أبريل 22, 2008 11:56 am

أنا فعلا كنت اتمني ابقي فرخة بس مش عشان ادبح لا عشان مشفش الظلم الي بشوفوه من البنأدمين

حسبي الله ونعم الوكيل

من طرف كرومبو الأربعاء أبريل 23, 2008 10:16 am

الصراحة مرسى على الفراخ والبط وعلم الحيوان دة بس أنا شايف الحل إن الحكومة دلوقتى عملت إلى عاليها وبائت تحل الموضوع ودة من خلال طرح البديل وهو لحوم الحمير إلى أثبتت التجارب أنها مفيدة فى القدرة على تريح الدماغ من التفكير

الى فرختى العزيزة

الى فرختى العزيزة

رد: الى فرختى العزيزة

رد: الى فرختى العزيزة

رد: الى فرختى العزيزة