لو عندك عربية

من طرف كرومبو الثلاثاء مايو 06, 2008 11:47 am

لو عندك عربية تكتب عليها إية

فى حاجات كتير اوى تشد فالعربيات
مثلا الشعارات اللى موجودا
(*كارلوس كافيه او تشيليز او الباشا)

وغيرها كتير بس الاجرام بجد الكتابه اللى بتبقى عالعربيه زى كدا

-------------------------------------------------------------------

#-عضة أسد ولا نظرة حسد.

#-ياناس سيبونى أسدد ديونى.

#-متبصش كدة ياعبيط الحلوة جاية بالتقسيط.

#-سولار فى التنك ولا دولار فى البنك.

#-سوقو بالراحة يابهايم سواق العربية نايم .

#-تعمل حسابى أقدرك تهزر معايا أعورك .

#-الحلوة لما بتدلع تخلى الاسفلت يولع .

#-متبحلقش كدة يالوح دى جت بطلوع الروح .

#-حلوة ومتلمعة وعالسكة متشخلعة.

#-عدى وإجرى على أخرك وعند كمين الرادار هقابلك.

#-التنك وعمرناه والماتور دورناه واللى بيجرى على رزقه ربك مابينساه.