والله زمان يا مذاكرة

من طرف Juliet الأربعاء مايو 07, 2008 5:43 am

كل سنة وكل اعضاء المنتدى طيبين .. طبعا وزى ما كلنا عارفين موسم المذاكرة دخل بالجامد وكل الناس مشغولة ويارب ألاقي حد يقرا الموضوع ده .. بس أهو العشم يكون حد (مزوغ)من المذاكرة أو بياخد فترة راحة
الحقيقة في الأوقات اللي زي دي من السنة بتلاقي الطلبة كلهم ليهم تقاليع غريبة وعجيبة ..

1\ يعني فى واحد الموضوع بيطلب معاه بأكل .. يعني كل ما ييجي يقعد يذاكر يجوع .. ودي في حد ذاتها مصيبة بغض النظر عن تضييع الوقت لأن وزنه بيزيد من 5 إلى 10 كيلو في الفترة دي بس ..
2\وواحد تانى العملية بتقلب معاه بثقافة واطلاع بيبقى غاوي قراية في الجرانين والكتب والقصص .. وخاصة قصص الرعب ..

وواحد تاني بتلاقيه واقف طول النهار في البلكونة .. بياكل في البلكونة وبيشرب في البلكونة .. وبينام في البلكونة .. أو يقضي معظم وقته في الحمام ...

4\أو ينام 26 ساعة في اليوم .

\4.أو يقعد يرسم أسهم وقلوب وكبد وقوانص .. ومن ده كتير .. وكتير قوي ..
وبالنسبة لى فمش لازم أقولكم كنت بعمل إيه بالظبط .. لكن كان الموضوع شاغلني وكنت عاوزة اعرف لية احنا بنعمل كدة
وعلشان كدة عملت بحث وجاتلى أجوبة عايزة قواميس للترجمة .
. زى حيلة دفاعية لا شعورية .. Shocked

سيطرة العقل الباطن على العقل الواعي Twisted Evil

وورم في الأنا العليا . pale

.
وانفصام ميتوزي في اللاشعور .. geek

لكن اللي أنا فهمته في الآخر إن الموضوع ده بيكون ليه أسباب :

إن الطالب مننا بيفوق ويفتكر إنه طالب على آخر السنة لما يلاقي إن جدول الامتحانات بيقول إنه فاضل 20يوم على الامتحانات .. فبيضطر إنه يكثف أوقات المذاكرة عن عدد الساعات اللي ماكنش بيقعدها أصلا قبل كده ..

فرد فعل طبيعي إنه مش بيتأقلم على الوضع الجديد .. فبيحصل صراع نفسي نتيجة إنه المفروض يذاكر عشان يحصل اللي فاته ورغبته في أن يتحلل من هذا الضغط ويمارس حياته كما كان يمارسها قبل كده .. فيبدأ في اختلاق حجج واهية للهروب من الواقع بأي شئ ..وده طبعا حاجة لا شعورية ..

والحل من المشكلة دي إنه :

1 يقاوم الرغبة دي جواه ويعرف تماما إن كل دي حجج يختلقها لنفسه . drunken

2 يعمل جدول تدريجي لساعات المذاكرة مش ياخدها خبط لزق . Basketball

3 يكون صادق مع نفسه في القرارات اللي بياخدها .. يعني مش يقول أنام دلوقتي وأقوم الصبح بدري أكمل .. وينام الساعة 7 المغرب ويقوم الساعة 3 العصر .. Sleep

5 يضع لنفسه كم معين من الواجبات يومي لا ينام قبل أن ينتهي منه . lol!

6 يستعين بالله ويدعيه كتير إنه ماتكونش الحجج اللاشعورية دي المشي على جدار البلكونة أو النوم في الحمام أو ......

لو حصل أي حاجة من الحاجات دي أتصلوا بي فورا أوصفلكوا الدكتور اللي كنت بتعالج عنده وهو حيظبطكوا على الآخر .. afro

وربنا يبعد عننا وعنكوا كل حاجة وحشة ..

بس كفاية كده بقى قعادعلى النت وقوموا ذاكروا بقى .. بلاش حجج فارغة ............ study

من طرف areeg الأربعاء مايو 07, 2008 8:41 am

ههههههههههههههههه
هتقوليلى مهو انتى
هواه القعاد عالنت وبالذات ايام الامتحانات
لا انا بهزر او بهيس ..امتحانات بقى معلش
ويعودها عليكم الايام بخير من غير امتحانات
study