نصائح زوجية

نصائح للعكننة على الزوجة



الصبح وانت رايح على شغلك وهى نايمة تعمد اسقاط اى شيئ او خبط الباب بصوت عالى علشان تصحيها هى كمان 00 اشمعنى انت ؟ ولو حاولت ترجع تنام تانى قول لها”….. مادام صحيتى حضري الفطار بقي يا حبيبتي....”





اذا كنت بتتفرج على التلفزيون وهى عايزة تغير القناة 00 قولها

"معلش الحلقة دى مهمة جدا....... واحد صحبى شافها على القناة الفضائية............. وقالى ان الحلقة دى هى المسلسل كله"



ولو كنت بتتفرج على ماتش كورة هيبقى الموضوع اسهل 00

كل ما حد من اللاعبين من اى فريق يمسك الكورة قولها

" معلش ثوانى بقى ......... انا حاسس ان الكورة دى جون" حتى لو كان حارس المرمى ماسك الكورة والماتش واقف لان فيه واحد مصاب



(ملاحظة : اغلب النساء ذوو ثقافة كروية ضعيفة )



اصح يوم الجمعة بهمة ونشاط وجهز الافطار لزوجتك بس متنساش أن تستخدم 15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبيات لاعداد طبق بيض وسندوتش جبنة





طبعا يراعى ترك اثار سمنة على الارض مع ترك التلاجة مفتوحة وقشر

البيض فى الحوض





فى عيد ميلادها زينلها تورتة عيد ميلادها " بخمسين شمعة" ولو سألتك لية خمسين رغم ان عندها 15 سنة بس ؟

اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة





لو عاملة ريجيم

اجرى على السوبر ماركت ومحلات الحلويات واملى التلاجة شكولاتة وحلويات وجاتوهات " يرعى التجول وانت مستمتع بأكل الجاتوة امامها"





متنساش رأيك فى طبيخها

لو عاملة لحمة قول لها حلوه اوووى الفراخ دي........



ولو طبخة بامية 00 جميلة اوى الملوخية دى حطة عليها اية يا حبيبتى ؟؟



ولو عاملة كيكة... قولها انا بحب اشرب شاى مع البسكويت الحلو دة !!









لو طلبت منك تنشر الهدوم قالها حاضر مع ابتسامة حانية وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك !









لو الزوجة قررت مسح الارضيات فى البيت ......... حاول انك تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية...............





لو كانت مشغولة فى نظافة البيت او مع الاولاد وطلبت منك تغسل كوبتين الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوباية من الاتنين وهى مكسورة واسألها فى براءة ارمى دى فين ؟؟!!!!!!!!!!!!!!!!







وانت قاعد تتفرج على التلفزيون وهى طالع عينها فى تنظيف البيت وبعد ما تخلص وتيجى يدوبكك تقعد تستريح جنبك بصلها وقولها "حبيبتى معلش ممكن كوبية مية علشان ضهرى بيوجعنى !! "

لا تعليق

ههههههههههههههههه .. بالشكل ده مش هايعمروا مع بعض اسبوع واحد و في اغلب الاحيان بتقلب بساطور واكياس نايلون " خلي باااااالك "

اخيرا يا ادمن سمعنا صوتك
على فكرة قبل ما انشر الكلام ده صحابى كانوا بيلموا السواطير و اكياس النايلون من البلد كلها

اى خدمة اشتغل براحتك

طيب كده قشطه ... بس يا دول مش هايغلبوا .. عاوزك تاخد كل احتياطات الامان

على فكرة يا مصطفى احنا جنبنا حداد وجزار
وكمان جنبنا مصنع للاكياس النايلون
يعنى مش هنغلللللللللللللللللللللللللللللللب
وبس حد يفكرمن الرجالة يعمل اى حركة من دى
على فكرة كمان
الجديد ان لينا تنظيم نسائى سرىىىىىىىىىىىىىىىى



ورونا بقى شطارتكم